Најстариот Израелец почина на 117 години
Шломо Сулејман, најстариот Израелец, почина вчера на 117години, објавија денеска израелските медиуми.
Тој починал опкружен од членовите на семејството, шест деца и десетина внуци, правнуци и чукунвнуци.
Сулејман со сопругата и четирите деца во 1949 година пристигнал во Израел од Јемен. Другите две деца се родени во Израел. Тој со семејството живееше во приморскиот град Натанија и по отслужувањето на воениот рок работеше како земјоделец. Неговата сопруга почина пред неколку години на 94–годишна возраст.
Внукот на Сулејман,Гил Радиа изјави дека неговиот дедо секој ден одел во синагога и оти до последен момент бил со бистар ум. Тој истакна дека тајната на долговечноста на Сулмејан била малку храна и физичка активност. Поради пандемијата со Ковид-19 последните месеци не го напуштал домот.
Сулејман,како што тврди семејството, роден е во 1903 година, со што беше и еден од најстарите луѓе во светот.
Највозрасна во светот во моментот е Јапонката, Кане Танака која има117 години и 283 дена.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар