Најстудено во Берово, најмногу снег на Попова Шапка

Утрово е најстудено во Берово, -3 степени, а најмногу снег има на Попова Шапка, 39 сантиметри. 

Како што информира УХМР, до 08:30 часот се измерени и -1 степен во Битола, 0 Попова Шапка, Лазарополе, 1 Крива Паланка, Штип, 2 Скопје-Петровец, Струмица, Куманово, Кавадарци, Прилеп, Претор, 3 Скопје-Зајчев Рид, Дебар, Тетово, Охрид, 4 Крушево, Велес, Виница, Маврови Анови, Демир Капија, како и 8 степени во Гевгелија.

Висината на снежната покривка е 27 сантиметри во Маврови Анови и 3 во Крушево.

Според УХМР, денеска по котлините во поголем дел од денот ќе биде тивко со појава на магла или ниска облачност. Во останатите делови сончево и релативно топло со мала до умерена облачност и со слаб до умерен ветер од јужен правец. Максималната температура ќе достигне од 6 до 15 степени. Во Скопје претежно облачно и тивко со појава на магла. Максималната температура ќе достигне до 7 степени.