Најстудено во Берово, најтопло во Виница

До 8.30 часот со измерени 0 степени Целзиусови утрово е најстудено во Берово, додека најтопло со осум степени е во Виница.

Како што соопштија од УХМР, три степени се измерени во Скопје-Петровец, Охрид, Попова Шапка, четири во Крива Паланка, Струмица, Демир Капија, Тетово, Маврови Анови, пет степени во Скопје-Зајчев Рид, Прилеп, Велес, Крушево, Дебар, шест во  Битола, Гевгелија, Штип, Куманово и седум степени во Кавадарци и Дојран. 

Во текот на ноќта времето беше ведро со мала до умерена локална облачност. Наместа дуваше слаб ветер од јужен правец. Изутринава е насекаде сончево. Дува слаб до умерен ветер од северозападен правец.

Времето денеска ќе биде сончево со мала до умерена локална облачност. Ќе дува слаб до умерен, а наместа долж Повардарието повремено засилен ветер од северозападен правец. Максималната температура ќе биде во интервал од 18 до 25 степени.

Во Скопје времето ќе биде претежно сончево со слаб до умерен ветер од северен правец. Максималната температура ќе достигне 23 степени.