Најстудено во Скопје, Битола, Берово и Дебар

На првиот ден од последната недела во оваа година настудено е во Скопје каде утринава се измерени -5 степени, по што следуваат Битола, Берово, Дебар и Струмица со -4, Штип и Демир Капија со -3, Тетово, Куманово, Кавадарци и Маврово со -2, Прилеп -1 и Охрид 0 степени.

Во Крива Паланка и Претор утринава е измерена температура од еден степен,  во Виница, Лазарополе и Гевгелија 2, Дојран 4 и во Крушево 6 степени.

Густа магла утринава има во Демир Капија, во делови од Скопската котлина, К;уманово и во Дебар. На повисоките места дува слаб ветер од променлив правец.

Во текот на денот времето ќе биде сончево со слаб северен ветер. Дневната температура ќе се движи од 10 до 17 степени.

Во Скопје претпладне ќе биде магливо, а попладне умерено облачно со слаба магла. Температурата ќе достигне до 10 степени.

Според прогнозата на УХРМ, утре ќе преовладува сончево време со мала до умерена локална облачност и со слаб северен ветер. Претпладне по одделни котлини ќе има појава на слаба магла. Од среда се очекува значителна промена на времето, проследена со умерен североисточен ветер и нагло заладување, а во вечерните часови ќе има локален слаб дожд, а на повисоките места слаб снег.