Намален бројот на мигрантите во Британија по референдумот за ЕУ
Бројот на мигрантите во Велика Британија, на крајот на март оваа година, изнесува 246 илјади што е помалку за 81 илјада во споредба со истиот период минатата година, покажуваат најновите податоци на британското Државно биро за статистика.
Станува збор за мигрантите кои останале во земјата, откако од бројот на оние кои влегле на британска територија (имигрантите), се извади бројот на оние кои си замнале (емигрантите).
Проценката на Бирото за статистика е дека ваквиот податок, што доаѓа по референдумот во Британија на кој мнозинството Британци се согласија со Брегзит, е резултат само на намалениот прилив на мигранти од земјите на Источна Европа кои во најголемиот број сега се во ЕУ.
Намалувањето на „нето миграцијата“ се забележува и кај намалениот процент на источноевропејци кои се пријавиле за социјалното и здравственото осигурување при влегувањето во Британија.
Падот се објаснува, главно, со неизвесноста околу идниот статус на државјаните на ЕУ во Британија по Брегзит и на општата несигурност што владее во Британија, за мигрантите од Истокот на Европа, по грубата и често навредлива антиевропска и антиимигрантска кампања на лондонските весници, блиски до владеачките конзервативци.
Овие медиуми и натаму шират омраза и нетрпеливост кон луѓето од Истокот на Европа, прикажувајќи ги најчесто како виновници за сите проблеми на британските социјални фондови, загрозениот јавен здравствен систем, пренаселените училишта и кусокот од станови.
Но се смета дека на намалениот прилив и на зглемениот одлив на дојденци, влијае и слабата фунта чија вредност, главно поради незвесноста околу Брегзит, безмалку е изедначена со еврото, како и забавениот раст на британската економија.
Странците од Источна Европа се изложени на отвореното непријателство и од „обичните Британци„ особено по анти -ЕУ референдумот, што исто така влијае се почестото да се одминува Британија,
Анализите на најновите податоци, меѓутоа, откриваат дека намалената имиграција во изминатата година, е резултат и на подобрениот стадард во земјте од Источна Европа.
Тоа, пред се се однесува на Полска од каде има најмногу Европејци во Британија, како и на Словачка и Чешка, што придонесува мигранти од овие земји, самите да одлучат за враќање во земјите од каде допатувале.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево