Наместо средба со лидерите на албанските партии Ахмети седна на маса со новинарите
ДУИ и СДСМ ќе ги продолжат разговорите. Ахмети порача ако се барикадираме нема да биде добро за земјата, не е добро ни да се оди на предвремени избори.
„Во ДУИ ќе доминира логиката и разумот. Ние имаме добра волја да ги надминеме разликите. Јас сум љубопитен и чекам да слушнам уште посилни аргументи за платформата која сме ја претставиле и ќе ги соочиме фактите. Јас не ги поканив лидерите за прашањето на премиерот, тоа го разбрале во првичните средби со Зоран Заев и заборавиле дека во дом се влегува преку врата, а не преку прозор,“ изјави Ахмети.
Со тоа што не дошле на средбата лидерите од албанскиот блок ја намалуваат силата и притисокот врз Заев.
За Ахмети се уште е отворено прашањето за Албанец премиер, но сепак тоа е дел од црвените линии од кои не отстапуваат.
„Ние ги имаме поставено црвените линии тоа се: Нема враќање од Охридскиот Договор, од Преспанскиот Договор и од Добрососедскиот Договор. Една друга наша заложба е и законот за ветинг за сите,“ додаде Ахмети.
За калкулациите за премиерската позиција да биде поделена на неколку години Ахмети порача дека не сака да ја оптоварува јавноста и не прави трговија.
Ново на Сител
-
Мајката на починатата студентка од Кавадарци во Штип лани измасакрирала и запалила човек
-
Судир на два автомобили и камион со приколка на автопатот „Пријателство“, тешко повредено едно лице
-
Инцидент на Скопскиот аеродром: Србин скршил стакло на заштитна врата, полицијата го уапсила
-
Советот за безбедност на ОН денеска ќе расправа за Босна и Херцеговина
-
Вработените во ФЗОM на предупредувачки протест
-
Маж со мачета нападнал луѓе во североисточен Лондон
-
Лекари приватни специјализанти побараа првиот прием на идниот министер за здравство да биде за решавање на нивните барања
-
РСБСП: Внимателно и одговорно возење за време на празниците