Нападнато седиштето на албанските социјалисти во Делвина

Засега се уште неидентификувани лица со камења и други тврди предмети ја нападнеле канцеларијата на Општинската организацијана на албанската владејачка Социјалистичка партија во градот Делвина.

Како што јави дописникот на МИА, полицијата соопшти дека инцидентот се случил ноќеска по полноќ, при што се искршени прозорците на канцелариите, како и одредени предмети врз кои паднале камењата.

Социјалистичката партија на албанскиот премиер Еди Рама го осуди „насилничкиот акт“ и повика на воздржаност, потенцирајќи дека „ваквите однесувања не се во прилог на предизботната атмосефра и не се во инетрес на жителите“.

Полицијата води интензивна истрага со цел расветлување на случајот.