НАСА ги претстави учесниците на програмата за спуштање на Месечината
Националната аеронаутичка и вселенска агенција (НАСА) синоќа ги откри имињата на 18 астронаути одбрани да учествуваат во подготовките на програмата за спуштање на површината на Месечината во рамки на проектот „Артемида“.
Половина од одбраните кандидати на оваа елитна група се жени, една од нив ќе биде и првата жена која ќе зачекори на Месечината.
Имињата на астронаутите беа обелоденети од потпретседателот Мајк Пенс при крајот на последниот состанок на Националниот вселенски совет на САД, чиј претседавач е тој. Состанокот се одвиваше во Вселенскиот центар Кенеди на Флорида, под една од трите ракети „Сатурн-5“, со која американските астронаути неколку пати се спуштија на Месечината во рамки на програмата „Аполон“.
НАСА планира летот на Месечината да се случи до 2024 година.
Администраторот на НАСА, Џим Брајдестајн, изјави дека составот на учесниците на групата за подготовки сигурно ќе се зголеми. Сега во НАСА работат вкупно 47 астронаути.
Некои од оваа група веќе имаат летано во вселената. Двајца од нив се Кејт Рубинс и Виктор Гловер кои престојувале во Меѓународната вселенска станица (МВС). Возраста на голем дел од учесниците е од 30 до 40 години, најстариот учесник има 55, најмладот 32.
Од останатите астронаути, Кејл Линдгрен, Ен Меклејн и Скот Тингл, веќе биле на МВС.
Ново на Сител
-
Муцунски: Наскоро ќе почнат консултациите за нови амбасадори и пополнување на местата во конзулатите
-
Нови израелски напади врз областа околу Бејрут
-
Приведено лице за издржување на тригодишна казна затвор
-
Промена на времето со значителен пад на дневната температура
-
Санкции за правно и физичко лице поради неправилности при јавен превоз со товарно возило
-
Почина родилка во Куманово
-
Казнети три ресторани и месарница во Кавадарци, уништени 87 килограми небезбедна храна
-
Најмалку десет загинати и 11 повредени во експлозија на бензинска пумпа во Русија