„Нашите планови ги срушија за миг“, емотивен текст на момчето на Фросина

Блиските на Фросина Кулакова се неутешни и тагуваат за нејзината прерана смрт, а заедно со нив тагува и Македонија.

Момчето на надежната дизајнерка се огласи на социјалните мрежи за да го искаже својот револт.

„Ангелче мое, заедно растевме и му се радувавме на животот, но не ни дозволија заедно и да остареме. Нашите планови ги срушија за миг.
Ти беше личност полна со љубов и разбирање за секој еден и секогаш борбена до крај се додека не си ја постигнеше зацртаната цел. Биди ми спокојна горе помеѓу ангелите а ние овде ќе се бориме до последен здив ПРАВДАТА за тебе да биде задоволена и монструмот кој те покоси и не зацрни да си ја добие заслужената казна. Знам дека баш ти ни ја даваш оваа сила од горе за да станеме и да се бориме против сите кои придонесоа тебе да те снема на ваков суров начин.
Знај дека беше и вечно ќе останеш најсакана АНГЕЛУ мој.“, напиша момчето на Фросина на Инстаграм.