Навреме отворени сите гласачки места во Струга

Сите гласачки места во општина Струга се отворени навреме, утрово во 7 часот, информира претседателот на Општинската изборна комисија Бледар Зиба.

Стружани на 101 избирачко место ќе се изјаснат дали се „за“ или „против“ референдумското прашање „Дали сте за членство во ЕУ и НАТО, со прифаќање на договорот меѓу Македонија и Грција“.

Во Избирачкиот список во Струга регистрирани се 60.169 лица. Вчера правото на глас имаа можност да остварат 23 болни, стари и изнемоштени лица во општината.