НБА плеј оф: Мајами поведе во серијата против Торонто

Кошаркарите на Мајами поведоа со 1-0 во полуфиналето на „Исток“ против Торонто, додека првакот Голден Стејт ја искористи предноста на домашен терен за водство од 2-0 против Портланд. Мајами имаше предност во финишот на дуелот но Кајли Ловри постигна тројка за изедначување 90:90. Сепак гостите и во продолжението беа поефикасни пред се благодарение на Горан Драгиќ и Двејн Вејд, кои дуелот го завршија со 26 односно 24 поени. Мајами победи со 102:96 и поведе во серија со 1-0.

Шампионот Голден Стејт ја искористи предноста на домашен терен и по вторпат го победи Портланд 110:99. Решавачката предност Голден Стејт ја направи во последниот период што го доби со 34:12. Клеј Томсон со 27 поени беше најефикасен во редовите на шампионот, а дури пет играчи имаа двоцифрен број поени. Кај Портланд најпрецизен беше Дамиан Лилард со 25 поени. 

Вечерва се играа  дуелот број 2 меѓу Кливленд и Атланта, а водство од 1-0 во победи има Кливленд.