Неколкумина повредени при судир меѓу полицијата и демонстранти во Хановер
Неколку лица се повредени во Хановер при растерување на протестот кој беше организиран против конгресот на десничарската партија Алтернатива за Германија (АфД), соопшти портпаролка на полицијата.
Таа потврди дека се повредени неколку полицајци и најмалку еден демонстрант.
Полицијата употреби водени топови, со цел да ги растера стотиците демонстранти, кои се обиделе да ги отстранат уличните блокади за да го оневозможат пристапот до местото на конгресот. Судирите го одложија на кратко почетокот на партискиот форум.
Синоќа, исто така, имаше протест поради конгресот на АфД, на кој се собраа околу илјада луѓе, но заврши без инциденти.
Партијата, која на изборите во септември освои 12,6 проценти од гласовите и првпат има пратенички мандати (92), организира конвенција со цел да го пополни испразнетото место на претседателот, откако еден од лидерите на партијата Фрауке Петри се повлече од партијата поради обвинувања за флерт со ултра десничарскиот екстремизам.
Со нејзиниот потег, на чело на партијата остана Јорг Мојтен, но засега не се знае дали како лидер на партијата ќе остане еден или ќе биде избран и друг претседател.
На партискиот конгрес учествуваат околу 8.500 делегати.
Ново на Сител
-
Пандов: Прекин ќе му биде издаден на секој затвореник кој ќе достави медицинска документација потпишана од специјалист
-
Полициските хеликоптери исфрлиле над 148 тони вода врз пожарите кај Старо Нагоричане и Брезница | ФОТО
-
Укинувањето на економските директори во болниците поддржано од сите пратеници, законот оди во второ читање
-
Деветнаесетгодишно момче починало од струен удар
-
Лишени од слобода три лица - расчистено убиството во Дебреше
-
Пожар во беровската месност Безгашчево
-
Како јогата стана глобален феномен | Катерина Сековска | Личен развој | Sitel Podcast 054
-
Албанската полиција само во округот Скадар годинава уништила над 224 илјади стебла марихуана, денеска над 10 илјади