Нетанјаху нареди дополнителни испораки на хуманитарна помош за Газа
Израелскиот премиер Бенјамин Нетанјаху нареди значително зголемување на испораката на хуманитарна помош за жителите на Појасот Газа, јавија синоќа израелските медиуми, цитирани од ДПА.
Израелскиот јавен радиодифузер Кан објави дека во иднина 250 камиони дневно ќе носат хуманитарна помош во палестинската енклава, каде што војната беснее повеќе од една година.
Одлуката на Нетанјаху е реакција на заканите на САД дека ќе ја прекинат испораката на оружје за Израел доколку не се подобри ситуацијата со мирното палестинско население во Газа.
Според израелската агенција одговорна за палестинските прашања, 50 камиони со хуманитарна помош влегле во Газа во средата, а дополнителни 30 влегле вчера.
Ситуацијата во северниот дел на енклавата се смета за исклучително критична.
Според Детскиот фонд на Обединетите нации, УНИЦЕФ, речиси секое петто дете во областа страда од неухранетост опасна по живот.
Според ОН, околу 500 камиони дневно доставувале помош и стока во Појасот Газа пред почетокот на војната минатиот октомври.
Ново на Сител
-
АХВ: Потврден птичји грип кај угината гуска, убиени 24 патки, 6 гуски, 5 кокошки и една чавка кои биле во зоолошката
-
Силен земјотрес ја погоди Грција
-
Прилеп ќе ги награди пожарникарите со 900 000 денари за пожртвуваноста за справување со големиот пожар во Мариово
-
Мицкоски: До средината на ноември субвенции од над милијарда и триста милиони денари за околу 20 000 земјоделци
-
За небаждарен тахограф на автобус изречена глоба од 3.000 евра за правното лице и 900 евра за одговорното лице
-
Галетановски: Смртоносна бактерија “птичји грип” е најдена во Зоолошка
-
Хрватска ја качува минималната плата на 750 евра
-
Откриени два случаи на криумчарење мигранти