Невремето продолжува и утре

Времето утре во Македонија ќе биде сончево со умерена облачност и слаб до умерен југозападен ветер, особено долж Повардарието. Доцна попладне ќе има изолирана појава на краткотраен пороен дожд и ретки грмежи. 

Температурата ќе се движи од 22 до 28 степени.

Во Скопје ќе биде сончево со умерена облачност и слаб до умерен југозападен ветер. Доцна попладне ќе има изолирана појава на краткотраен пороен дожд и ретки грмежи. 

Температурата ќе достигне до 26 степени.

Поизразена нестабилност ќе има во четврток попладне кога на повеќе места се очекува пороен дожд, грмежи и засилен ветер. Локално е можна и појава на невреме со град.

В петок и в сабота ќе биде топло и ветровито со умерен до засилен југозападен ветер, кој ќе биде најизразен на повисоките места и на планините. Услови за врнежи од дожд ќе има во сабота вечер и во понеделник.