Нигериските власти осуетиле планови на Боко Харам

Нигериската служба за државна безбедност денеска соопшти дека осуетила планови на борци на Боко харам за напади врз Амбасадата на САД и на Велика Британија во Абуџа.

Службата сооопшти дека уапсила пет членови на исламистичката група а 25 и на 26 март.

- Групата веќе имала испланирано напади врз британската и американската Амбасада, како и врз други западни интереси во Абуџа, се посочува во соопштението на нигериската служба за државна безбедност.

Службата реагирала откако на 22 март привела еден припадник на Боко харам во североисточната сојузна држава Јобе, кој открил детали од заговорот.

Дипломатските мисии на САД и на Велика Британија во Абуџа се уште не ги коментираат наводите на Службата.