Норвешка и НАТО договорија соработка за заштита од кибер закани

Норвешка и НАТО потпишаа синоќа договор за соработка во областа на заштитата од кибер напади, соопшти Министерството за одбрана во Осло.

Норвешка стана третата држава по Чешка и Словачка која има таков договор со НАТО.

Документот треба да обезбеди размена на информации меѓу државите со цел зголемување на заштитата ка критично важни компјутерски системи од напади, јавија норвешки медиуми.

– Се радувам што Норвешка се наоѓа меѓу првите држави кои потпишаа договор со НАТО во толку важна област. Кибер заканите стануваат се посериозни и за заштита од нив е потребна поширока соработка на меѓународно ниво, изјави Ине Ериксен Сорајде, норвешка министерка за одбрана.