Носел 40 бланко бугарски зелени картони, уапсен Косовец на „Миладиновци“

Уапсен косовски државјанин на патарина „Миладиновци“ кој превезувал стока без документација и околу 40 парчиња бланко бугарски зелени картони.

- На 12.10.2024 околу 09.30 часот на наплатна станица Миладиновци во Скопје, полициски службеници од Мобилната единица за компезаторни мерки при Одделот за гранични работи и миграции го лишиле од слобода Ш.К.(32) од Косово. При контрола во патничкото возило „мерцедес“ со косовски национални ознаки, кое го управувал, во кое бил со уште едно лице, била пронајдена поголема количина стока за која не поседувал никаква документација и околу 40 парчиња бланко бугарски зелени картони, информира МВР.

Како што соопштува МВР, пронајденото било одземено, а лицето било задржано во полициска станица и по целосно документирање на случајот против него ќе биде поднесена соодветна пријава.