Нов пресврт на времето - температури до 17 степени

Времето во Македонија ќе биде сончево со мала до умерена облачност и со слаб до умерен северен ветер.

Утринската температура ќе се движи од минус два до пет степени, а максималната од 10 до 17 степени Целзиусови.

Во Скопје сончево со умерена облачност и со слаб до умерен северен ветер. Температурата ќе биде во интеревалот од два до 14 степени Целзиусови.

Утре и во петок времето ќе биде претежно сончево. Утре наутро температурата на повеќе места ќе се спушти околу нула. Од сабота попладне до недела ќе има локални врнежи од дожд и ќе дува засилен ветер, кој во сабота ќе биде од јужен, а во недела од западен правец.

Во наредниот период дневните температури ќе бидат во пораст, што ќе предизвика забрзано топење на снежната покривка на планините.