Нов, втор случај на позитивен на Ковид-19 во општина Маврово и Ростуше

Во гостиварско регистриран е нов случај на инфициран од корона вирус. Новиот случај е откриен во селото Ростуше, а неговите резултати биле потврдени вчера.

Во меѓуопштинскиот кризен штаб за општините Гостивар, Врапчиште и Маврово и Ростуше ги потврдија информациите, со што во изминативе два дена во најмалубројната гостиварска општина, бројката на новозаразени е два.

Од Кризниот штаб за справување со корона вирусот при Општина Маврово и Ростуше, преку соопштение информираа дека првиот пациент по позитивниот наод е префрлен на лекување во инфективно одделение во гостиварската општа болница. Тој бил во стабилна здраствена состојба.

– Уште еднаш, упатуваме апел до сите наши сограѓани, строго да се придржуваат кон препораките дадени од страна на Министерството за здраство, сите ние да носиме заштитни маски и ракавици, да не се собираме во групи, да држиме растојание од два метра, да избегнуваме одење на гости и патување по други градови, наведуваат од Кризниот штаб за општина Маврово и Ростуше.

Според последните информации од меѓуопштинскиот штаб, првиот случај е лице кое живее во долнореканското село Присојница, кај кое симптомите на болеста се појавиле минатата недела. Епдимеиолозите во овој период ги анализираат двата случаја и преземаат мерки за спречување на ширење на инфекцијата во долнореканскиот регион.

Во моментов, во Гостиварско има пет активни случаи, два во општина Гостивар, два во општина Маврово и Ростуше и еден во општина Врапчиште.