Нова идеја на Трамп: Соларни панели на ѕидот кон Мексико

Американскиот претседател Доналд Трамп предложи на ѕидот што планира да го изгради долж границата со Мексико, да се постават соларни панели, со што тој контроверзен објект би можел „сам да се исплати".

Трамп притоа се пошегува и дека на тој начин, Мексико „ќе треба помалку да плати" за изградбата.

- Доста добра замисла, нели? Моја идеја! Со поставувањето на соларните панели, ѕидот би бил и поубав, рече Трамп, обраќајќи им се на свои приврзаници во Ајова.

- Размислуваме за нешто единствено, говориме за јужната граница, многу сонце, многу горештина. Размислувме за подигање соларен ѕид што ќе произведува енергија и сам ќе се исплаќа, образложи Трамп.

Изградбата на ѕидот беше една од главните ветување во предизборната кампања на Трамп, но неговите темели се уште не се удрени.