Нови игри околу цената на нафтата

Нема причина да се очекува цената на нафтата да ја зголеми добивката за време на првото тримесечје од 2018 година, соопштија енергетски експерти.

Според аналитичарите, можноста за пораст на производството на САД, намалувањето на цените и интензивирањето на геополитичките ризици најверојатно ќе го придушат растот на цената на почетокот на идната година.

Хари Колдин, директор на фирмата Лонгвју Економикс (Longview Economics), изјави дека „е прилично песимист во однос на цената на нафтата во следните три месеци.

- Иако лесно можевме да ја видиме ескалацијата на тензиите на Блискиот Исток, во недостиг на тоа, најверојатно оптимизмот е загубен за следните шест месеци. Речиси секогаш на ист начин се соочуваме со ситуацијата околу нафтата и кога тоа ќе се случи мора да бидете особено внимателни, рече Колдин.

Цените на нафтата се подобрија за повеќе од една третина од нивната вредност откако во јуни 2017 година го достигнаа дното. Растот во голема мерка е последица на глобалното намалување на снабдувањето што го применија производителите на нафта од и надвор од ОПЕК, на почетокот на годината.