Нови промени со времето - Еве какво ќе биде утре
Времето утре во Македонија ќе биде сончево со мала до умерена облачност, а во попладневните часови ќе има локален дожд, кој повремено ќе биде пороен со ретки грмежи, особено во планинските подрачја. Ќе дува слаб до умерен северен ветер.
Утринската температура ќе се движи од три до девет, а дневната од 19 до 25 степени.
Во Скопје слично време, претпладне сончево со мала до умерена облачност, а попладне ќе има услови за појава на краткотраен дожд. Ќе дува слаб до умерен северен ветер. Утринската температура ќе се спушти до седум, а дневната ќе достигне до 24 степени.
В недела ќе преовладува променливо облачно време со повремени врнежи од дожд, а кон крајот на денот и во текот на ноќта на планините со повремен снег. Ќе дува умерен, во западните делови повремено засилен западен ветер. Во текот на денот ќе има и услови за појава на ретки грмежи. Утринската температура ќе се движи од два до девет, а дневната од 15 до 22 степена.
Од понеделник се очекува позначителна промена на времето. Поради спуштање на постуден воздух температурите позначително ќе опаднат, а ќе има и врнежи од дожд, а на планините и на некои повисоки места врнежите ќе бидат од снег. Повеќе врнежи се очекуваат во западните делови и повремено ќе бидат со умерен интензитет. Во понеделник дневната температура ќе се движи од седум до 13 степени.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски