Нови решенија за легализација на дивоградби во Ѓорче Петров

Општината Ѓорче Петров додели 200 нови решенија за легализација на бесправно изградени објекти. Новите решенија се изработени во изминативе 45 дена, а со нивното доделување бројката на решени предмети се искачи на 4.859 барања од вкупно 10.979 поднесени.

Од општината информираат дека вработените од Секторот за урбанизам, задолжени за финилизирање на предметите, секојдневно испраќаат и писмени известувања до ѓорчепетровци за да ги достават неопходните документи за докомплетирање на барањата.

Од општината апелираат да не се чекаат крајните рокови затоа што самите граѓани би можеле да го загрозат процесот на легализирање на нивниот објек. Со тоа ќе им помогнат на вработените во општината за побрзо расчистување на предметите што е и примарна цел и на општината.