Нови шестмина заболени и исто толку излекувани од коронавирусот во Косово
Институтот за јавно здравство на Косово (ИШПК) информира дека вчера се потврдени нови шест случаи кои, од извршените испитувања во текот на денот, резултирале позитивни на Ковид-19, со што официјалната бројка на заразени со новиот вирус во земјата достигна до 132, јави дописникот на МИА од Приштина.
Според синоќешното соопштение на ИШПК, во текот на денот се тестирани примероците на 105 лица за кои постоело сомневање дека се можни носители на вирусот, а вкупната бројка на тестирани од 8 февруари, заклучно со вчера изнесува 1.605.
Сите нови случаи, според Инситутот, се заразени од контакти со лица, кај кои претходно е потврдено присуството на вирусот. Петмина од нив се од општина Пеќ, а во еден случај станува збор за лице кое било сместено во карантин во Приштина откако допатувало од странство и кај кого симптомите се појавиле седмиот ден од карантинот.
Како излечени денеска се потврдении шест нови случаи кај кои претходно било потврдено присуство на Ковид-19, со што вкупната бројка на лица кои од појавата на првите заразени, на 13 март, се излекувани достигна до 16. Во истиот период е забележан и еден смртен случај како последица на епидемијата, 82-годишен маж кој страдал и од други хронични болести.
Ново на Сител
-
Тешко повреден велосипедист во сообраќајка на Средно Водно
-
До петок нестабилно време со повремен пороен дожд, град и грмежи
-
СДСМ во среда ги почнува подготовките за избор на ново раководство - закажан состанокот на Извршниот одбор
-
Лишен од слобода кавадарчанец кој му се заканувал на градоначалникот
-
Царинска управа: Одземена дрога испратена во мала пратка и огнено оружје од скопјанец
-
Едно лице загина, две се повредени во сообраќајка што се случи вчера на автопатот Куманово-Скопје
-
Во руски напад врз областа Харков загинаа 11 лица
-
Герапетритис: Договорот од Преспа не се менува и не се ревидира еднострано