Новиот парк за миленици во Ново Лисиче во завршна фаза
Новиот парк за миленичиња во Ново Лисиче е во завршна фаза. Паркот ќе биде пуштен деновиве, а останува уште да се постават дополнителни елементи, во вид на реквизити и содржини за кучињата и урбана опрема, информираше денеска градоначалникот на Скопје, Коце Трајановски, кој со градоначалникот на Аеродром, Ивица Коневски, го посетија паркот.
- Во Скопје има голем број ндомашни миленичиња и ние работиме на овозможување подобри услови за нив и нивните сопственици. Во таа насока град Скопје гради специјални паркови за миленичиња, каде последен ваков парк е овој во Ново Лисиче, долж булеварот АСНОМ. Овој парк ќе биде завршен во наредниве неколку дена, каде треба да се постават дополнителни елементи, во вид на реквизити и содржини за кучињата и урбана опрема, изјави скопскиот градоначалник Трајановски.
Паркот е со површина од 920 метри квадратни и во целата површина е ограден со заштитна жичена ограда (мрежа).
- Ова е трет парк за миленици во Скопје, а ние и во иднина ќе продолжиме со изградба на вакви паркови во соработка со општините во сите општини во Скопје, истакна Трајановски.
Градоначалникот Коневски најави дека ова е прв ваков парк за миленици на територијата на Општина Аеродром и дека во иднина, во соработка со Градот Скопје, ќе изградат поголем број на вакви паркови на територијата на општината.
Новиот простор за миленичиња е лоциран во Ново Лисиче, Општина Аеродром, во паркот долж булеварот АСНОМ, до седиштето на Фудбалската федерација на Македонија.
Градежните работи на новиот парк ги извршија екипите на ЈП „Улици и патишта“, додека истиот е уреден од страна на ЈП „Паркови и зеленило“.
Ново на Сител
-
Искршена е влезната врата на храмот „Цар Константин и царица Елена“ во Штип
-
Брачен пар загина во пожар во стан во Белград
-
Во одговорот на Извештајот на Комитетот против тортура на СЕ најавено подобрување на условите во затворите во земјава
-
Фон дер Лајен: ЕУ го активира Механизмот за цивилна заштита за помош на поплавените во БиХ
-
Орбан: Доколку продолжи илегалната миграција, ќе ги донесеме мигрантите пред канцелариите на ЕУ во Брисел
-
Националните партии доминираат на локалните избори во БиХ
-
Зголемени цените на угостителските услуги
-
Поради зголемено присуство на манган забранета за пиење и водата во Гостивар