Објавен составот на новата грчка влада
Министерот за надворешни работи од претходната Влада на Алексис Ципрас, Никос Коѕиас повторно е назначен за шеф на грчката дипломатија.
Портпаролката на грчката влада Олга Геровасили, која исто така останува на својата позиција, синоќа го објави составот на новата влада која денеска ќе положи заклетва во претседателската палата.
Ципрас во новиот кабинет не направи големи промени на клучните позиции како што се министрите за финансии и економија, кои се од клучно значење за спроведувањето на договорот за третата финансиска помош.
Иако грчките медиуми вчера јавуваа дека Еуклид Цакалотос се двоуми дали да ја прифати функцијата министер за финансии, тој сепак повторно ќе раководи со овој ресор, а Јоргос Статакис се враќа како министер за економија.
Некои од министерствата се реконструирани, со поделба и префрлање на одговорностите. Така, оваа грчка влада има пет министерства кои се различни од претходниот кабинет. Тоа се Министерството за образование, истражување и религија, за бродски превоз и островска политика, за економија, развој и туризам, за инфраструктура, транспорт и мрежи и за животна средина и енергија.
Ново на Сител
-
Македонскиот амбасадор во Албанија на средба со министерот Муцунски по објавените податоци од пописот
-
МВР: Приведени 19 лица на фестивал во Дојран, кај нив била пронајдена дрога
-
Мицкоски: На господинот Филипче му посакувам успешна работа, да бидат конструктивна опозиција | ВИДЕО
-
Високи претставници на демократите во САД отфрлаат засега можност за замена на Бајден поради повиците тој да се откаже од трката за претседател
-
Пожарите во близина на Атина без активно жариште
-
Бобан Николовски ја презеде функцијата директор на Царинска управа
-
ЈП ПОЦ минатата недела со санкции за 203 непрописно паркирани возила
-
Светска банка: Северна Македонија треба да спроведе реформи за справување со заканите поврзани со климатските промени