Објавени наградените на конкурсот за 14. Интернационален стрип салон „Велес 2016“
Стрип центарот на Македонија со седиште во Велес ги објави имињата на наградените стрип автори по одржаниот интернационален стрип конкурс - дел од активностите од 14. Интернационален стрип салон „Велес 2016“, кој ќе се одржува од 14-ти до 16 октомври во Велес и на 17 октомври во Скопје.
Првото место го освои Срѓан Николиќ-Пека од Србија, за стрипот „Снеговите на Антарктик“, второ место за Навид Булбулија од Босна и Херцеговина за стрипот „Колекционер“ и за Лаурент Сиеурац и Николас Једрзејчак-Пес од Франција за стрипот „Encounters“, трето место за Ненад Пејчиќ и Игор Крстиќ од Србија за стрипот „Баку“ и за Наташа Коњевиќ Босна и Херцеговина и Александар Стеванов од Македонија за стрипот „Slamberlend“.
Специјална награда од организаторот и е доделена на Даница Јевдовиќ од Србија за стрипот „Тунел“, за најдобро сценарио е награден Марко Стојановиќ од Србија за стрипот „Селма/Вековници“, за најдобар автор до 18 години - Ивана Пенчова од Македонија, за најмлад учесник - Танасије Игњатовиќ од Србија, за највозрасен учесник - Миле Топуз од Македонија, за најдобар дебитантски стрип - Гордана Винчиќ и Игор Љубовчевски од Македонија за стрипот „Марифет за азно“. Специјална награда за уметнички израз му се доделува на Горан Угарчина од Србија за стрипот „Урбани стории“.
На свеченото отварање на 14. Интернационален стрип салон „Велес 2016“ ќе бидат доделени и плакети за соработка и масовно учество на стрип школите од Лесквац, Никшиќ и Белград
Организаторот соопшти дека е рекорден бројот на пријавени стрипови (254 од сите континенти). На минатото издание биле пристигнати 228.
Специјални гости годинава ќе бидат победникот на конкурсот Срѓан Николиќ-Пека и Горан Трајковиќ од Рашката школа на стрип, со која Македонскиот стрип центар воспостави постојана соработка.
Ново на Сител
-
За девет часа над 50 земјотреси во морскиот дел меѓу Санторини и Аморгос-најсилниот пет степени
-
Мицкоски: Интервенции во минималната кошница и пресметка со објективни параметри
-
Повеќе од 4.000 осудени лица во Холандија се на слобода бидејќи нема места во затворите
-
Лани 1.700 Македонци добиле бугарски пасош
-
Пет лица застрелани во училиште во Шведска
-
Константен пад на бројот на бракови во Германија кај младата популација
-
„Дали знаете колку опожарени возила има на припадници на затворските полицајци?“, синдикатот на затворската полиција со отворено писмо до Пандов
-
Стојковски: Стигнати повеќето лекови на Онкологија, во најбрз рок уште два лека