Облачно и топло, попладне врнежи од дожд
Времето денеска ќе биде променливо облачно со умерен до засилен јужен ветер. Попладне, а особено во текот на ноќта ќе има повремени врнежи од дожд, кои на места ќе бидат поројни (над 15 литри на метар квадратен), во форма на невреме, проследени со грмежи и силен ветер, над 60 километри на час. Минималната температура ќе биде во интервал од три до 10, а максималната ќе достигне од 17 до 23 степени.
Во Скопје ќе биде променливо облачно со умерен до засилен јужен ветер. Кон крајот на денот и во текот на ноќта ќе има повремени врнежи од дожд. Во делови од котлината врнежите ќе бидат поројни проследени со грмежи и силен ветер. Минималната температура ќе се спушти до осум, а максималната ќе достигне до 23 степени.
Управата за хидрометеоролошки работи (УХМР) соопшти дека под влијание на топла и нестабилна воздушна маса од југ следува период на променливо облачно и нестабилно време со повремени врнежи од дожд. Наместа врнежите повремено ќе бидат поројни, над 15 литри на метар квадратен, во форма на невреме, проследени со појава на грмежи и силен јужен ветер, над 60 километри на час.
Поинтензивни процеси ќе има во текот на ноќта и в четврток претпладне. Преодно стабилизирање на времето ќе има в петок. В сабота локално, а в недела и понеделник на повеќе места ќе биде нестабилно со локален пороен дожд и грмежи. Ветерот ќе го смени правецот во северен, што ќе предизвика опаѓање на дневните температури.
Ново на Сител
-
Мирен собир во Кочани
-
Инспекцијата влезе во Општина Кочани, расте бројот на притворени
-
Тошковски ги разреши началниците од Штип и Кочани
-
Склад за гориво пронајден во непосредна близина на дискотеката
-
Мицкоски: Ќе одговара секој кој има вина
-
Релативно стабилна е состојбата на пациентите од Кочани хоспитализирани во клиниките во Скопје
-
Судска медицина работи на обдукција и идентификација
-
Поглаварот на МПЦ ќе присуствува на погребот