Облачно со краткотраен дожд на првиот ден од пролетта

На првиот ден од пролетта времето во Македонија ќе биде умерено до значително облачно со краткотраен дожд претпладне на планинските делови на исток и на запад. На високите планини ќе провејува слаб снег. 

Во посеверните делови ќе дува претежно умерен западен ветер, а во југозападните и јужните делови ветерот повремено ќе засилува. Попладне, облачноста ќе се намалува.

Утринската температура ќе се движи од два до шест, а дневната од 11 до 19 степени.

Во Скопје слично време со слаб дожд претпладне. Ќе дува слаб до умерен претежно западен ветер. Утринската температура ќе се спушти до пет, а дневната ќе се достигне до 15 степени.

Пролетта на северната хемисфера почнува денеска во 17:15 часот, а истовремено на јужната полутопка ќе настапи есента.

Пролетта ќе трае до 21 јуни до 11:07 часот кога календарски ќе настапи летото. 

Летното сметање на времето, пак, ќе почне меѓу 24 и 25 март кога часовниците ќе се поместат еден час понапред.