Облачно со врнежи од дожд, на планините од снег

Времето во Република Северна Македонија ќе биде облачно со врнежи од дожд, на планините од снег. Врнежите ќе бидат пообилни во западните и јужните делови, а попладне ќе престануваат. Ќе дува повремено умерен северен ветер.

Утринската температура ќе се движи од нула до осум, а дневната од пет до 12 степени.

Во Скопје претпладне со врнежи од дожд, а попладне врнежите ќе престанат. Ќе дува повремено умерен северен ветер. Утринската температура ќе се спушти до пет, а дневната ќе се искачи до девет степени.

Од недела следува период на стабилно и потопло време, а по одделни котлини ќе се задржи облачно, магливо и постудено.