Од идниот месец во Македонија органски сертифицирани семиња за преку 100 сорти
Повеќе од 100 сорти органски сертифицирани семиња на градинарски, лековити, зачински култури, жита и цвеќиња ќе бидат достапни на македонскиот пазар од март годинава.
Ова е предвидено со Договорот што го потпишаа дистрибутерот „Евгени“ и швајцарскиот производител „Сатива Реинау“.
Според сопственикот на „Сатива Реинау“ Амадеус Шунке, во Македонија постојат одлични услови за производство на органски производи, но и за производство на квалитетен семенски материјал.
- Лани направивме пробно производство на органски грав од сортите „ред кидни“ и „борлоти“ за швајцарскиот пазар, за да видиме дали се погодни за производство во Македонија. По одличните резултати и приноси, одлучивме оваа година да воведеме нови производи и култури и да вклучиме повеќе земјоделци, како и да видиме која е можноста за локално производство на семенски материјал, изјави Шунке кој веќе остварил, како што додаде, и контакти за пробно производство на семиња за пченка и неколку сорти грав атрактивни за странските пазари.
Драган Гечески од компанијата Евгени смета дека досега органските семиња беа недостапни на македонскиот пазар, а органските производители се снабдуваа со нетретирани семиња или набавуваа семиња по сопствени канали. - Со овој Договор го надминуваме тој проблем и на домашниот пазар ќе понудиме разновиден семенски материјал со врвни карактеристики. За почеток ќе понудиме две програми: професионална - за органски производители во поголеми количини и хоби програма - за производство во домашни услови, истакна Гечески.
Соработката на „Евгени“ и „Сатива Реинау“ е реализирана во рамки на активностите за унапредување на пазарот на органско производство во Македонија на швајцарската Програма за зголемување на пазарната вработливост (ИМЕ). Во следниот период, со поддршка на ИМЕ, ќе се разгледаат и можностите за заштита и комерцијализација на одредени автохтони семенски сорти од Македонија.
Ново на Сител
-
Павле Атанасијевиќ: И покрај поразот од Холандија, горд сум на нашата репрезентација
-
Посебен сообраќаен режим во Скопје за Водици
-
Лазаревски: Иако се подготвуваме за нивната игра, тешко беше да се спречи транзицијата на Холандија
-
Четворица загинати и тројца повредени во руски напад врз Киев
-
ДСЗИ нема утврдено недостатоци при третманот на деветгодишното дете од Свети Николе, кое почина во вторникот
-
ТикТок објави дека од утре ќе прекине со работа во САД
-
Израелската влада го одобри договорот за прекин на огнот со Хамас, стапува во сила утре
-
Најстудено во Берово, најмногу снег на Попова Шапка