Одбележана десетгодишнината од големиот пожар над Струмица во кој загинаа четири лица
Во Струмица денеска беше одбележана десетгодишнината од големиот шумски пожар што избувна на месноста „Двата пата“ над градот во кој загинаа браќата Пено Стојанов и Блажо Стојков од селото Рич, Војо Гркљанов од село Вељуса и Мите Ѓеоргиев од Струмица.
Пред споменикот на загинатите струмичани во центарот на градот цвеќе положија претставници на семејствата и ТППЕ Струмица, членови на Советот на Општина Струмица, политички партии и граѓани.
На одбележувањето на овој трагичен настан зборуваше членот на Советот, Дениза Стамболиева.
– И по 10 години сеќавањата се свежи, а болката е неутешна за семејствата на загинатите. Со невидена храброст и натчовечки напори беше спречена трагедија од поголеми размери, но за жал во таа борба со огнената стихија животот го загубија четворица наши сограѓани, истакна Стамболиева.
Во големиот пожар што избувна пред десет години имаше и повредени граѓани, а гаснењето траеше повеќе денови.
Ново на Сител
-
Сиљановска Давкова - Агелер: Евроинтеграциите позитивно влијаат врз демократската и економската консолидација на земјите од регионот
-
78-годишна жена ограбена на постојка во центарот на Скопје
-
Тепачка помеѓу поранешни сопружници, двајцата се изјаснуваат како жртва пред полицијата
-
Поради сообраќајка затворен патот Берово – Струмица во двата правци
-
МВР: Приведен бегалец од затвор во Скопје
-
Ангелов: Нефункционални три „Ер трактори“ поради пензионирање на двајца пилоти
-
САД ќе ги пренасочат нарачките на системите Патриот во Украина
-
Стефковски: Матео жив и здрав се врати дома