Одбележување на Денот на Командата за обука и доктрини
Командата за обука и доктрини денеска во касарната „Алексо Демниевски Бауман” во Велес, со воена свеченост ќе го одбележи Денот на единицата.
На воената свеченост, како што најавува Генералштабот на Армијата, ќе присуствуваат началникот на Генералштабот, генерал-потполковник Васко Ѓурчиновски, генерали од Армијата, команданти на единиците, посебниот советник за безбедност од кабинетот на Претседателот, Блерим Кољали, поранешни команданти на единицата, воени раководители од генералштабот и министерството за одбрана и претставници на локалната самоуправа и организациите со кои соработува единицата.
Согласно програмата, пред припадниците на командата предвидени се обраќања од страна на началникот на Генералштабот, генералот Ѓурчиновски и командантот на КОД, полковник Васко Коколански.
Притоа, ќе бидат соопштени стимулативни мерки на припадници од командата за постигнати резултати во работењето, како и на екипи кои учествуваа во спортските натпревари по повод денот на единицата. Воедно, ќе бидат доделени и признанија за ученици од основните училишта „Васил Главинов“ и „Блаже Конески“ за учество на ликовниот и конкурсот за најдобра поема на војнички теми.
Командата за операции го одбележува 15 април, како датум кога пред триесет години во редовите на Армијата отпочнаа да пристигнуваат првите регрути на отслужување на воениот рок и почетоците на изведување на обуката по што отпочна пополнување на армиските единици и целосно функционирање на Армијата.
Ново на Сител
-
Албанија: Потврдена пресудата за Фреди Белери, со тоа го губи градоначалничкиот мандат
-
Украина се надева дека ќе биде подготвена за влез во ЕУ до 2030 година
-
Курти со честитка до Мицкоски: Не сме само соседи, туку и сојузници и блиски партнери
-
Скопјанец осомничен за тешка кражба на дрзок начин
-
Жител на Пробиштип неовластено подигнал туѓи средства од банкомат
-
Кривична пријава против двајца жители на Кочани кои копале злато во делчевско
-
Отворена истрага за тешка телесна повреда со смртни последици во затворот Идризово
-
Чибишев нов директор на Токсикологија, Меџити на Неврологија, утре нов директор ќе има и Онкологија