Охриѓанец измамен за големи пари - полицијата трага по измамникот

Охриѓанец кој живее и работи во Германија сакал да направи нова куќа во своето родно место, но ни на крај памет не му дошло дека ќе биде измамен од свој сограѓанин. СВР Охрид поднесе кривична пријава против М.С.(43) од село Лабуништа, струшко, поради постоење основи на сомнение за сторено кривично дело ,,измама”.

-  На 16.11.2017 година во ресторан во Охрид, пријавениот со писмена изјава од С.Ј.(52) од Охрид, кој привремено престојува во Република Германија, примил 20.000 евра за проект за изградба на куќа, како и за хотелско сместување. Во наредниот период, С.Ј. не можел да воспостави контак со пријавениот, по што на 03.08.2018 година се вратил во Охрид и го пријавил настанот, стои во билтенот на МВР.