Околу 12 илјади цвеќиња ќе бидат засадени во Македонска Каменица
Јавното претпријатие „Камена Река“ во сопствените оранжерии подготвува 12 илјади цвеќиња кои ќе бидат засадени оваа пролет.
Техничкиот директор на ЈП „Камена Река“ Влатко Димитровски информира дека со пролетните цвеќиња ќе се разубават сите делови од градското централно подрачје, но и влезовите во градот.
- Во оранжериите подготвуваме пролетни цвеќиња, кои ќе ни помогнат за цветни аранжмани. Освен куќичката со цвеќиња поставена во центарот на Каменица, аранжманот со стари гуми на влезовите на Каменица, како и многубројните декорации во парковите, имаме и многу други идеи за аранжмани. Целта на оваа наша активност е да го разубавиме градот и можеме да се пофалиме дека сме една од ретките општини која може да претендира за град на цвеќињата, рече Димитровски.
Засадувањето на цвеќињата по парковите ќе стартува од средината на април. Димитровски потенцираше дека благодарение на наградната игра со која јавното претпријатие ги наградува најверните плаќачи на вода, наплатата од стандардните 86 е зголемена на 90 отсто.
- Годинава фондот на награди изнесува околу 500 евра. Мора да потенцирам дека воведувањето награди за редовните плаќачи на сметките е со цел и стимулација на граѓаните за редовно плаќање на сметките. Последниот месец пред наградната игра, наплатата се зголеми од 3-4 отсто. Деновиве ги доделивме наградите за редовните плаќачи за 2015 година. Првата награда е ТВ ЛЦД, втората таблет, а третата е тримесечна претплата за комунална такса, рече Димитровски.
Доделувањето награди за редовните плаќачи на сметки е традиција во работењето на ова јавно претпријатие, кое се практикува веќе 10 години.
Ново на Сител
-
Од полноќ поскапуваат горивата
-
Најтопло во четврток, петок и сабота со температури до 39 степени
-
Струмичанец со тројца малолетници нападнале брачен пар во нивниот дом, го повредиле сопругот со остар предмет
-
Миле Јанакиески излегува од затвор
-
Петок пред Духовден, 21 јуни, неработен ден за граѓаните од православна вероисповед
-
Претрес во Битола, пронајдена дрога, приведено едно лице
-
Нетанјаху ја распушти воената влада
-
Приведен криумчар на мигранти