Околу 860.000 мигранти пристигнале годинава во Европа преку Медитеранот
Од почетокот на годинава во Европа преку Средоземното Море пристигнале 858.805 мигранти и бегалци, соопшти денеска Меѓународната организација за миграции (ИОМ).
Најмногу мигранти и бегалци, 712.159, влегле во Грција, а во Италија нивниот број изнесува 142.695. Повеќето од пристигнатите во Грција се Сиријци (над 388.000), Авганистанци (повеќе од 142.000), Ирачани (над 44.000) и Иранци (повеќе од 10 илјади).
Во Италија најголеми се групите од Еритрејци (околу 38.000), Нигеријци (околу 20.000), Сомајлици (над 11.000), Суданци (околу 9.000) и Сиријци (над 7.000).
Според портпаролот на Организацијата, Џоел Милман во текот на изминатиот викенд има драстично намалување на бројот на имигранти, кои влегле во Грција.
Меѓународната организација за миграции наведува дека од почетокот на годинава 3.548 лица загинале во водите на Средоземното Море при обид да пристигнат во Европа.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи