ОПЕК, Русија и партнерите до крајот на годината ќе одат со намалено производство на нафта
Групата земји извознички на нафта, позната како ОПЕК +, во април се договори следните два месеца, мај и јуни, да го намали снабдувањето на светскиот пазар на нафта за 9,7 милиони барели дневно, пред се, за да може да ги зголеми цените што со месеци наназад се минимални поради малата побарувачка од кризата со коронавирусот.
Намалувањето ќе продолжи и во јули, се согласија вчера членките на ОПЕК на почетокот на видео конференцијата, објавија ноќеска светските агенции. Според претходниот договор, производството требаше да се намали на 7,7 милиони барели на ден во периодот од јуни до декември.
Цената на барел нафта на лондонската берза во петокот се зголеми на највисокото ниво во последните три месеци, на над 42 долари, откако во април падна под 20 долари. Но, цената на нафтата и натаму е за третина пониска отколку на крајот на 2019 година, пренесува Сеебиз.
Саудиска Арабија, водечка земја на ОПЕК, и Русија мора да го балансираат зголемувањето на цената на нафтата за да ги задоволат своите буџетски потреби, но не и над 50 долари за барел, затоа што не сакаат повторно да го зголемат американското производство на нафта од шкрилци, забележуваат британските медиуми.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп