Општина Карпош го одбележува Денот на лицата со хендикеп

Општина Карпош денеска ќе го одбележи Меѓународниот ден на лицата со хендикеп (3 декември).

Средбата се органзира традиционално, по седми пат, во рамки на планираните програмски активности на Одделението за детска, здравствена и социјална заштита при Општина Карпош.

За таа цел ќе биде организирана заедничка дружба, на која ќе присуствуваат лицата со хендикеп, советниците од локалната самоуправа и градоначалникот на Карпош, Стефан Богоев.

Тој ќе им додели еднократна парична помош од 4.000 денари, на повеќе од 100 граѓани кои влегуваат во оваа социјална категорија.

На средбата меѓу другото, граѓаните ќе ги споделат своите искуства и ќе ги предочат проблемите со кои се соочуваат во нивното секојдневно функционирање.