Општина Крива Паланка ќе добие канцеларија за социјални работи
Во завршна фаза се активностите за опремување и отворање на општинската канцеларија за социјални работи во Крива Паланка. Градоначалникот на општината, Борјанчо Мицевски, директорот на Меѓуопштинскиот центар за социјални работи Гоце Цветковски и претставникот од Министерството за труд и социјална политика, денес извршија обиколка и увид во завршните активности на терен.
-Подготовката и опремување на канцеларијата и неодамна формираниот Совет за социјална заштита, како и програмата за социјална заштита на Општина Крива Паланка за 2020 година, претставуваат директна поддршка на локалната власт во обезбедување на социјалните услуги за граѓаните, во насока на поголема пристапност и достапност до правата и услугите од социјалната заштита и развојот и унапредување на социјални услуги во нашата заедница, изјави градоначалникот Мицевски.
Канцеларијата е опремена преку аплициран проект во соработка со Министерството за труд и социјална политика и Меѓуопштинскиот центар за социјални работи, а официјално ќе биде ставена во функција за десетина дена.
Една од главните цели на проектот е развој и подобрување на квалитетот на социјалните услуги во локалните заедници, согласно со потребите на граѓаните и зголемување на пристапот до социјалните услуги наменети за ранливите групи на граѓани, постарите лица, лицата со попреченост и други лица, за што се обезбедени вкупно 10,8 милиони евра.
Ново на Сител
-
Руската армија тврди дека неутрализирала 31 украински дрон
-
Одложено судењето за „Шпански скали“
-
За прв пат од 2004 година, ниту Ѓоковиќ ниту Надал нема да бидат во четвртфиналето во Рим
-
Главчев и Радев по инаугурацијата на Сиљановска-Давкова: Договорите мора строго да се спроведуваат
-
МНР: Да се почитува Договорот од Преспа - со Грција развивме високо ниво на политички дијалог
-
Реулаторна ќе објави нови цени на горивата
-
Почувствуван земјотрес во Хрватска
-
Мицотакис: Провокативна, незаконска и недозволива иницијатива од новата претседателка на Северна Македонија