Османи во Брисел на средба со Столтенберг
Министерот за надворешни работи Бујар Османи денеска во седиштето на НАТО во Брисел ќе се сретне со генералниот секретар на Алијансата, Јенс Столтенберг.
Средбата на Османи со првиот човек на НАТО е во рамки на еднодневната работна посета на шефот на македонската дипломатија на Брисел.
Како што јави специјалниот известувач на МИА од Брисел, Османи ќе има средба и со главниот политички советник за надворешна политика во Кабинетот на претседателот на Советот на ЕУ, Шарл Мишел, Симон Мордју и со советничката за надворешна политика задолжена за Западниот Балкан и миграции, Маја Коцијанчич.
Министерот Османи ќе учествува и на брифинг во Центарот за европска политика на тема „Северна Македонија и ЕУ: Движење кон поголема интеграција?“, на кој ќе има воведно обраќање, по кое ќе следува дискусија и размена на мислења со присутните гости.
Работната посета на Брисел, Османи ќе ја заврши со присуство како почесен гостин на приемот што по повод Денот на независноста на Република Северна Македонија го организираат нашите мисии во ЕУ и НАТО и Амбасадата на земјава во Белгија.
На приемот е најавено присуство и на државната секретарка во Секретаријатот за европски прашања, Дрита Абдиу-Халили.
Ново на Сител
-
Претседателката Сиљановска Давкова ја предводи македонската делегација на 79. Генерално Собрание на ОН во Њујорк
-
Хезболах објави дека уште еден висок командант е убиен во израелскиот воздушен напад врз предградие на Бејрут
-
Расходите на Харис во август во кампањата се три пати поголеми од оние на Трамп
-
Русија соборила над 100 украински дронови над неколку области
-
Обилни дождови и поплави во Јапонија и Јужна Кореја
-
Рождество на Пресвета Богородица (Мала Богородица)
-
Сончево со мала до умерена облачност, попладне во западните делови услови за локален дожд
-
Бајден изјави дека САД работат на тоа да им се овозможи на раселените жители од северен Израел да се вратат дома