Османи: Законот за јазици денеска на владина седница

Владата планира да го затвори легислативниот дел од Рамковниот договор и уште денеска на седница на Влада да помине Законот за јазици, изјави вицепремиерот задолжен за европски прашања Бујар Османи по денешната средба со македонскиот претседател Ѓорге Иванов.

Османи за ова го информирал и побарал поддршка од претседателот Иванов. За новиот закон за јазиците, то очекува поддршка и од опозициската ВМРО–ДПМНЕ, со што, според него, би се постигнал политички и меѓуинституционален консензус за ова прашање.

На денешната седница на Владата, како што потврди владината прес-служба, ќе биде разагледана Информацијата за имплементацијата на Рамковниот договор.