Осум мигранти загинаа во обид да го преминат Ла Манш

Осум лица загинаа во текот на ноќта во неделата при обид да го преминат Ла Манш од Франција во Англија, соопшти француската полиција, а пренесе Би-би-си.

Спасувачките служби беа предупредени откако бродот наиде на тешкотии северно од Булоњ-сур-мер во Па-де-Кале по 01:00 часот по локално време.

Гумениот брод заплови со 50 луѓе и набрзо почна да тоне.

Несреќата се случи за помалку од две недели откако 12 лица, меѓу кои шест деца и една трудница, загинаа кога потона брод со десетици мигранти.

Во несреќата на 3 септември годинава загинаа најмногу луѓе на Ла Манш.

Во последните два дена зголемен е бројот на обиди за преминување на каналот поради помирното време.

Француските поморски власти објавија дека во петокот и саботата за 24 часа биле спасени 200 луѓе.