Осуммина погинати во експлозија на мина во Кенија

Седум полицајци и еден цивил се убиени денеска кога нивното возило минало врз нагазна мина на патот што води долж северниот брег на Кенија, соопшти кениската полиција.

Одговорноста за нападот ја презеде сомалиската исламистичка милитантна група Ал Шабаб, пренесоа британските медиуми.

Полицијата наведува дека кениските сили за одбрана сега ја чешлаат целата област, а телата на настраданите се однесени од местото на експлозијата.

Минатата недела во три слични експлозии во непосредна близина на границата со Сомалија погинаа 11 кениски полицајци.