Откриена биста на бранителот Бобан Ивановиќ во Стајковци
На плоштадот во Стајковци, општина Гази Баба денеска беше откриена бистата на Бобан Ивановиќ, припадник на Единицата за брзо распоредување, кој загина 2015 во вооружената престрелка во Куманово, во одбрана на Република Македонија.
Како што соопшти општина Гази Баба, за Ивановиќ како родител, сопруг, син, брат, другар, професионалец во својата работа и почитуван жител во своето населено место, зборуваа секретарот на месната заедница Стајковци, Тони Бојковски и претставникот од општина Гази Баба, Тодор Петров.
Бистата на Бобан Ивановиќ ја открија градоначалникот Тони Трајковски, заедно со сопругата на Бобан Ивановиќ и неговата внука Бобана. Цвеќе пред неговиот споменик положија членови на неговото семејство, делегација од општината, другарите од Единицата за брзо распоредување, претставници од урбаната заедница и од ОУ „Кирил и Методиј“, претставници од ОК на ВМРО-ДПМНЕ Гази Баба, членови на Здружението на Бранители на Македонија 2001, претставници од УЗ Хиподром, роднини, другари и пријатели.
Покрај Бобан Ивановиќ својот живот во одбрана на Македонија во 2015 година во Куманово го дадоа и Жарко Кузмановски од Брвеница Тетово, Ненад Серафимовски од Зубовце Гостивар,Сашо Самојловски од Брвеница Тетово, Горан Илиевски од Гостивар, Исамедин Османи од Студеничани Скопје, Љубиша Аранѓеловиќ од Скопје и Горан Стојменовиќ од Инџиково Скопје.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп