Отворено првото лизгалиште на мраз во Гостивар
Гостиварци од денеска,ќе може да се рекреираат на монтажно лизгалиште. Новата рекреативна содржина е дел од проект на Агенцијата за млади спорт со кој низ земјава ќе бидат поставени седум вакви лизгалишта.
На просторот на паркингот зад спортската сала, на пригоден начин градоначалникот Арбен Таравари и заменик директорот на Агенцијата за млади и спорт Измит Нура го предадоа во употреба монтажното спортско лизгалиште.
– Ние како општина го поддржавме овој проект, логистички и со обезбедување на негово одржување. Во оваа прилика би се заблагодарил на Агенцијата за спорт и млади, кои се една од ретките институции во државата која посветува внимание на нашата општина. Ова е втор проект на Владата во Гостивар, која е единствена урбана опозициска општина во Македонија. Се надевам дека во иднина нема да останеме „црна овца“ во државата и граѓаните на Гостивар плаќаат даноци како и другите граѓани и заслужуваат проекти поддржани од државата. Искрено се радувам дека на лизгалиштето ќе уживаат нашите најмлади сограѓани и ќе помогне во нивниот спортски развој, рече градоначалникот Таравари.
Лизагалиштето во Гостивар е едно од седумте, кои ги обезбеди Агенцијата за млади и спорт во соработка со локалните самоуправи и за кое издвои 14 милиони денари, а ќе биде отворено до март, годинава.
Ново на Сител
-
22 дискотеки и кабареа работат со лиценца во Македонија според регистерот на Министерство за економија
-
Филков: Правда ќе има
-
Со мирен марш средношколците од Охрид им оддадоа почит на настраданите во Кочани
-
Уште 17 потешко повредени во текот на ноќта пренесени на лекување во Србија, Грција и Австрија
-
14 осомничени за пожарот во Кочани се во притвор, меѓу нив и екс министерот Бектеши
-
Од денеска теренски контроли на сите кабареа и ноќни клубови, само 12 субјекти во државата поседуваат лиценци
-
14 осомничени за пожарот во Kочани се во притвор, меѓу нив и екс министерот Бектеши
-
Уште 17 потешко повредени во текот на ноќта пренесени на лекување во Србија, Грција и Австрија