Палестинците бараат укинување на израелската блокада на Газа

Генералниот секретар на палестинското движење „Исламски џихад“ Заид Накиа, ги повика израелските власти, во екот на пандемијата на коронавирус, да ја укинат повеќегодишната блокада на Газа, јави Анадолија.

Тој предупреди дека Израел ќе мора да избере дали ќе ја укине блокадата и ќе ги ослободи палестинските затвореници или ќе се соочи со катастрофални последици од пандемијата на Ковид-19.

Накиа побара палестинските власти да заземат поостар став кон израелските власти, кои со блокадата на Газа го прават животот невозможен, посебно во екот на пандемијата.

Израел под блокада ја држи Газа од 2006 година, а станува збор за палестинска енклава со најмалку два милиони жители.

Во Газа досега се потврдени 12 случаи на заразени со коронавирус.