Пандев двоен стрелец за Џенова во Купот на Италија

Македонскиот репрезентативец Горан Пандев со двата гола постигнати синоќа е еден од најсалужните за победата од 4:3 (по продолжение) на неговиот тим Џенова во рамките на 4.коло од Купот на Италија. Џенова ја победи Перуџа и се пласира во осминафиналето каде ќе игра против Лацио на гостински терен.

Пандев со овие голови го прекина „постот“ од една и пол сезона без постигнат гол во дресот на Џенова. Неговата екипа по првото полувреме водеше со 2:0 со головите на Џовани Симеоние во 3.минута и на Пандев во 37.минута. Перуџа изедначи преку Роналдо Бјанки во 53.минута и Жан Дрол во 63.минута и се избори за продолжение. Пандев во 100.минута донесе водство од 3:2, а Никола Нинковиќ во 116.минута зголеми на 4:2. Конечните 4:3 ги постави Франческо Ди Нолфо во 120.минута.

 

Двојки за осминафиналето:

Лацио – Џенова,

Наполи – Специја,

Фиорентина – Киево,

Милан – Торино,

Јувентус – Аталанта,

Интер – Болоња,

Сасуоло – Чезена и

Рома – Сампдорија.  

Натпреварите ќе се играат меѓу 11 и 18 јануари 2017 година.