Пастирот е со народот: “МПЦ” и Владиката Петар ги предводеа илјадниците прилепчани

Maкедонската Православна Црква – Охридска Архиепископија и Митрополитот Преспанско-пелагониски и администратор Австралиски и Новозеландски г. Петар, ги предводеа илјадниците прилепчани на вечерашниот протест во градот херој.

Силни пораки, патриотски извици и пораки за обединување околу идејата за “Заедничка Македонија” го красеа вечерашниот протест, кој беше еден од најмасовните, откако прилепчани решија да излезат на улица и да го кренат гласот против урнисувањето на унитарноста на државата.

Силни пораки, патриотски извици и пораки за обединување околу идејата за “Заедничка Македонија” го красеа вечерашниот протест, кој беше еден од најмасовните, откако прилепчани решија да излезат на улица и да го кренат гласот против урнисувањето на унитарноста на државата.

Прилеп покажа сила и истрајност и како во минатото и денес се обедини против оние кои не и мислат добро на татковината, против оние кои се пазарат со искреноста, чесноста и трпеливоста на Македонецот.

Се бунтуваше во секој еден гневот, а срцата им гореа од стравот дека можеби утре ќе се разбудат во една распарчена Македонија, која ќе биде срам за борбата на илјадници војводи, партизани, бранители од градот херој.

Граѓаните упатија порака дека не се за насилство, не сакаат крвопролевање и уништување на другите етнички заедници, но нема ни да дозволат некој да го негира постоењето на македонската нација на овие простори, нема да дозволат да се негира македонската православна црква, македонскиот јазик, химна, знаме, нема да дозволат некој да гази на македонското достоинство и милениумско постоење.

Владиката Петар на вечерашниот протест одржа говор кој го “раскина” срцето на секој присутен и допре длабоко до секоја душа.

Протестите во Прилеп продолжуваат и утре, во 18 часот пред хотел “Липа”.

Извор: Маркукуле