Патнички авион принудно слета во Бургас, аеродромот затворен за сообраќај
Авион со 161 полски туристи, што патувал на релација од Варшава кон египетското одморалиште Хургада, претпладнево принудно слета на аеродромот во бугарскиот град Бургас, откако еден од патниците се заканил дека во леталото има поставено бомба.
По слетувањето на авионот, сите патници и членови на екипажот биле евакуирани од леталото и специјалните единици на бугарската полиција почнале со потрага по евентално поставената бомба.
Како што јави БТА, полицијата веднаш го привела 67-годишниот патник кој го издал предупредувањето за поставената бомба. За време на распитот тој изјавил дека конзумирал премногу алкохол.
Директорот на аеродромот во Бургас, Георги Чиплинкси информира дека при претерсот на леталото досега не е порнајдена никаква експлозивна направа, додавајќи дека не знае дали патникот бил пијан.
Согласно безбедносните процедури, веднаш по слетувањето на полскиот авион, аеродромот во Бургас е затворен за секаков сообраќај.
За денеска попладене предвидено е пристигнување на авион на редовната линија од Лутон до Бургас, но засега не е познато дали овој лет воопшто ќе се реализира.
Ново на Сител
-
Вреди: Не треба да се отвораат старите рани
-
Победа над Фарски Острови - македонските ракометари се пласираа на Светско
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден