Пејачот Лијам Пејн пронајден мртов
Британскиот пејач и поранешен член на поп-групата „Уан дајрекшн“ (One Direction), Лијам Пејн вчера е пронајден мртов во дворот на хотел во Буенос Аирес, Аргентина. Музичарот имаше 30 години.
Пејн наводно паднал од третиот кат во дворот на хотелот. Кусо време претходно, персоналот на хотелот пријавил „агресивен маж под дејство на дрога или алкохол“ в полиција. Лекарите потоа можеле само да констатираат смрт, соопшти полицијата.
Засега нема информации дали пејачот паднал случајно или намерно.
Британскиот пејач и текстописец со име Лијам Џејмс Пејн е роден на 29 август 1993. во Вулверхемптон, Велика Британија. Тој го имаше своето деби како пејач во 2008 година, на аудиција за британската телевизиска серија „Икс фактор“. Откако беше елиминиран од конкуренцијата, тој повторно се појави на аудиција во 2010 година, кога беше ставен во група со уште четворица млади момчиња кои беа основата на англиско-ирскиот поп-состав „Уан дајрекшн“ што стана еден од најпродаваните „момчешки бендови“ на сите времиња.
Покрај Пејн, групата ја сочинуваа Хари Стајлс, Нијал Хоран и Луис Томлинсо. По пет албуми, поп-составот се распадна во 2016 година, а Пејн ја продолжи својата соло-кариера.
Ново на Сител
-
МНР му го одзеде дипломатскиот пасош на претседателот на ФФМ Муамед Сејдини
-
ДЗР: Има неправилности во спроведувањето на пописот на залихите и управувањето со Клиниката за радиотерапија и онкологија
-
Без вода делови од улицата „Иван Цанкар“ и трета зона Припор
-
СДСМ: Бојан Христовски е личен избор на Мицкоски - партизацијата на АНБ ја потврди и Таравари
-
ВМРО-ДПМНЕ: Со СДС, АНБ стана партиски штаб, партијата послабо да пие од апчињата за заборавање
-
Почина Пол Ди’Ано - поранешен предводник на хеви-метал бендот „Ајрон мејден“
-
Максимална победа за Алкалоид во второто коло на Европскиот шаховски клупски куп
-
Петмина убиени во куќа во Сиетл, осомничено 15-годишно момче